31.12.2009
Elskulega vinnukonan okkar hún Nilla kom heim til okkar í gærkvöldi og var heldur betur hissa að sjá allan þennan snjó.  Þetta hefur hún aldrei séð.  Þannig að það var vaknað snemma í morgun (um 11) og klárað að gera í húsunum.  Svo var hægt að prófa færið!
             
Viðar og Von                               Helgi Valur og Sísí                        Nilla og Spænir

             
Viðar og Draumur                         Helgi Valur og Amanda Vala            Nilla og Björg

Hún Björg okkar Moladóttir er alveg einstök.  Búin að standa í mánuð en hefur engu gleymt.  Málið er að hún veit bara ekkert hvað hún á að gera við lappirnar á sér.  Þetta er einstakt hross...
             
             
Smá syrpa með Björg og Nillu          Hamingjusamir tamningarmenn -      Ofvirkur danskur snjóaðdáandi!
                                                og tamningarkona                       

27.12.2009
Snjór og aftur snjór.  Það er orðið soltið langt síðan að við höfum fengið svona mikið af snjó hérna í Hörgárdalnum.  Það er bara allt á kafi.  Við ætluðum að gefa útigangnum okkar í gær en komumst ekkert vegna veðurs þannig að við vissum að þau biðu okkar í morgun.  En viti menn, girðingin er á stórum hluta horfin undir snjó þannig að stóðið var allt komið hingað niður til okkar.  Það tók okkur smá tíma að laga girðingu, moka snjó, brjótast með heyrúllu og koma stóðinu aftur á sinn stað.  En alltaf er þetta jafn gaman. 
                             
Stóðhestarnir uppteknir við að                               Svo að skoða innihaldið!
merkja nýja snjóinn.

25.12.2009
Aðfangadagskvöldið var fullkomið.  Öll hross komin á gjöf, allir frískir og jólasnjórinn lét ekki bíða eftir sér.  Þetta eru jólin. 

                             
Jólahúsið okkar                                                   Er þetta ekki jólalegt?

24.12.2009

13.12.2009
Það hefur verið nóg að gera í öllu "smotteríinu" í kringum reiðhöllina.  Búið að setja mæninn á þakið, flasningar á öll horn og svo er allt á fullu inni, hengja upp ljós, koma upp böttunum og undirbúningur fyrir hita og rafmagn.  Áætlað er að allt verði klárað fyrir jól - !?
             
Svona lítur þetta út                      Það er að verða soltið langt           Komin lýsing og undirbúningur
                                                úr einum enda yfir í annan             fyrir battana.

             
Ljósin í tengibygginguna                Fyrsti áhorfandinn                        Ró og friður yfir hrossunum

26.11.2009
Það er alltaf eitthvað við karlmenn og heimilisstörf.........

það er eitthvað...

21.11.2009
Og meira af reiðhöllinni.  Lagt var af stað í lagningu þaksins í dag, veðurguðinn hefur ekki alveg verið með okkur undan farið og ýmislegt vantaði í sendinguna sem átti að fylgja þakplötunum en allt gekk þetta upp í dag.  Fengum líka aðstoð frá vinum og nágrönnum og við viljum nota tækifærið og þakka þeim fyrir frábæran stuðning - þetta er ómetanlegt!
             
Fyrstu þakplöturnar komnar á         Gríðarleg einbeiting                      Góð æfing fyrir jólapakkana

             
Matti-Barká. Það er eitthvað          Gluggarnir koma vel út                  Bleeessaður Simmi
við þessa mynd...

             
Axel-Þrastarhóll og Þór-Skriða         Getur verið að Þór sé í símanum  -   að spjalla við Nillu
í þessu fína.

   
16.11.2009
Áfram heldur klæðningin.  Ekki var hægt að fara í þakið í dag eins og stefnt var að en suðurstafninn var bara tekinn í staðinn.  Svo er bara að krossleggja fingur og vona að veðrið verði almennilegt í vikunni.
                          
Suðurstafn                                                      Inngangur i tengibyggingu

12.11.2009
Og allt gekk þetta nú vel í dag.  Austurveggur nánast búinn og langt komið með tengibyggingu.
                          
Austurhliðin nánast komin                                  Tengibyggingin

Á meðan að karlpeningurinn hamast við að koma einingunum á reiðhöllina gefur Fanndis ekkert eftir í tamningunum. 
                          
Góður undirbúningur                                          Ekkert vesen, klárinn alveg pallrólegur

11.11.2009
Heldur betur allt á fullu í uppsetningu reiðhallarveggjar í dag. Ef veðurguðinn heldur áfram að vera svona góður við okkur verður búið að reisa bæði þak og veggi í næstu viku - allavega með þessu áframhaldi!
             
Vesturhliðin komin                        Hver er að reisa höll í dag....          Viddi, Jolli og Simmi - ofsakátir
                                                Essasú?
             
"gamli" og Albert í eldhús-              Passa að hafa engar eiður Eiður!    Kanski í síðasta skipti sem hægt
umræðum - bannað innan 16                                                         er að sjá sólina frá þessu
                                                                                               sjónarhorni.

07.11.2009
Fórum upp í fjall í dag og náðum í tvo ungfola svona til að lífga aðeins upp á frumtamningarnar.  Annar heitir Engill 3.vetra og er undan Vönju frá Eyjólfsstöðum og Þengli frá Kjarri.  Hinn heitir Villingur 4.vetra og er undan Ösp frá Kvíabekk og Mola frá Skriðu.  Hann er alfarið í eigu Fanndísar og ætlar hún að sjá um tamningarnar á honum. Alltaf gaman að fá ný hross inn!
                          
Engill frá Björgum                                             Villingur frá Björgum

06.11.2009
Jæja jæja....loksins kom fyrsta sendingin af yleiningunum þannig að þetta fer nú allt að koma.  Restin af einingunum kemur í næstu viku.
 
Kampakátir Bjargarmenn

05.11.2009
Dagurinn í dag var svona nettur úttektardagur í tamningunum.  Hér eru nokkrar myndir af unghryssunni Binný frá Björgum.  Hún er undan Venus frá Björgum og Döggva frá Bægisá I - Gustsonur



Hér eru nokkrar myndir af unghryssunni Perlu frá Björgum. Hún er undan Perlu frá Hraukbæ og Hróð frá Refstöðum.



Hér er svo fótaburðarfíkillinn okkar hún Björg frá Björgum.  Hún er undan Draumadís frá Breiðabólsstað og Mola frá Skriðu.

Björg og Nilla

Og ein í viðbóð af Voninni okkar frá Syðra-kolugili

Von og Viðar

31.10.2009
Fórum að athuga með folöld og merar í dag og stóðumst ekki mátið að smella einni á litadýrðina okkar í ár.  Hún heitir Hafdís og er undan Vönju og Fálka.

Hafdís á haustdögum

31.10.2009
Erum búin að uppfæra síðuna önnur hross. M.a.  Von frá Syðra-Kolugili og Spænir frá Hafrafellstungu 2. 
                               
Von og Viðar                                                        Spænir og Viðar

24.10.2009
Tamningar og tamningar..... Smellti einni mynd af stóðhestinum okkar honum Þór og Pernillu.  Það gengur mjög vel með hann og er aðeins farið að fikta við gangsetningu. 

Þór og Pernilla

21.10.2009
Allt á fullu í frumtamningunum.  Tókum inn tvær þriggja vetra merar fyrir um þremum vikum síðan og hafa tamningarnar gengið framar vonum. Í vinnu hjá okkur er dönsk stúlka -Pernille Möller- og erum við mjög ánægð með hana.
                                
Fyrsti teymingartúrinn með Binný                                Fyrsti teymingartúrinn með Perlu Hróðsdóttur
Döggvadóttur

19.10.2009
Góðar fréttir í dag.  Fengum að vita að klæðningin á reiðhöllina verður væntanleg til landsins eftir 15 daga! 

Nú er bara að bíða í nokkra daga í viðbót.

18.10.2009
Höfum verið upptekin við að vinna í síðunni og erum komin langt með síðuna: hrossin okkar. 

Ræktunarmerar og stóðhestar er komið inn.

08.10.2009
Hæ hæ elsku Anna.  Þúsund kossar frá okkur!

Hér má sjá grindina að nýrri reiðskemmu sem er að rísa á Björgum. Fáninn kominn á loft og klæðningin væntanleg frá Evrópunni á næstu dögum.  Húsið verður klætt með yleiningum svo að þegar þær verða komnar á, er ansi margt í höfn.  Það verður því frábær aðstaða til tamninga hjá okkur á komandi vetri.

Okt - 2009
Jæja...þá er klárinn okkar (heimasíðan) loksins kominn á beit.
Hér ætlum við að koma á framfæri því hversdagslega sem og stærri viðburðum í heimi hestamennsku og annars búshalds hér á Björgum.
Verið velkomin á síðuna okkar en næstu daga/vikur verður hún í smíðum.